希望你哋過咗一個開心嘅母親節。
我咁就過左第一個母親節。感覺當然係⋯⋯乜我係呀媽黎架咩？！我仲係少女（OK Fine，少婦囉～）好唔好？！不過認真仲未有做呀媽嘅感覺⋯⋯
D人話當你產檢嘅時候，見到超聲波有閃閃嗰刻（即係BB有心跳），係會好感動，甚至乎有人會喊。我同老公都冇乜反應，所以嗰刻我知道我哋應該係冷血嘅哈哈哈！
好啦，當你感覺到佢哋係個肚度郁嘅時候，有人又話呢個時候你會覺得同佢嘅Connection好特別，淨係做阿媽先至會感覺到。坦白講，我對自己嘅身體唔係好敏感，諗返轉頭先至知道早期嗰啲原來係胎動。到之後100%肯定係佢哋郁緊嘅時候，因為有兩隻野嘅緣故，淨係知道佢哋踢得我好鬼多同好鬼痛⋯⋯同埋佢哋係夜鬼，好鍾意凌晨一兩點先嚟踢⋯⋯仲有最鍾意對準個膀胱嚟踢。我又唔覺得特別好窩心好溫馨喎～～ 我覺得⋯痛囉，哈！冷血證據X2
到生仔嗰刻，應該有啲感覺掛？我淨係覺得，咦，SA （即係半身麻醉）好勁喎！對腳真係一啲野都Feel唔到～～ 淨係熱熱地好得意。跟住一路同麻師同產科同學仔吹水，吹下吹下就有BB喊聲，咁就生咗仔㗎啦？哈哈哈。科技真係發達！冷血證據X3
跟住佢哋將兩個BB擺喺我嘅左右手，叫剪完臍帶嘅人夫過嚟影合家福。我覺得做咩Jut兩舊野比我？乜呢個就係我對仔女啦？應該係感動位，不過又係冇感覺喎！哈哈哈，冷血證據X4
跟住餵人奶唔係應該好甜蜜，能夠促進親子關係嘅一段美好快樂回憶同時光咩？唔係喺佢靜靜地食奶嘅時候，我就同佢唱歌或者傾計，跟住我背後會有光環，成個畫面會變到好沙龍feel架咩？！！點解冇人同我講過係咁L痛？？？？？？？
餵/泵奶我冇諗過原來就算你Latch On有幾Perfect，都係會痛。係我天真爛漫低能我知。而家叫做慣咗啲，我Pain Threshold低卦？不過每次埋身餵，或者開着個奶泵前，係要好大好大嘅勇氣。我餵奶嘅時候，都係好靜好沉默。因為我為緊我嘅乳頭而默哀。每次都覺得對乳頭好可憐。尤其阿仔大隻啲，啜奶好大力。每次都覺得佢同個乳頭係咪有啲乜嘢深仇大恨，好似要啜死佢為止⋯⋯
我而家又要送個乳頭去死啦😭😭😭😭😭
～～～～
人夫巧叻叻煮11人份量嘅長壽麵做母親節大餐。😘😘
d latch 在 Difference between D Latch Schematic and D Flip Flop ... 的推薦與評價
... <看更多>